Qof u qalma labada caymis ayaa ka dhigan in qofku u-qalmo Medicaid iyo Medicare labaduba. Inaad u-qalanto labada caymis ee buuxa, ayaa ka dhigan inaad u-qalanto macaashyada Medicaid ee buuxa ee gobolka iyo sidoo kale Medicare. Qofka xaq u yeesho inuu u qalmo labada caymis ee buuxa ayaa sidoo kale suurtagal ah inuu u qalmo Qorshaha Dadka Qaba Baahiyaha Gaarka ee Laba Geesoodka ah(D-SNP)* Kani waa nooc ka mid ah qorshaha Medicare Advantage kaasoo bixiya macaashyo dheeraad ah oo ka baxsan caymiska Medicare iyo Medicaid ee caadiga ah.

Caymiska Medicare ayaa bixiya inta badan daryeelka iyo macaashyada la daboolo, balse caymiska Medicaid ayaa bixiya qaar ka mid ah kharashaadka jeebka laga bixiyo ee lacagta go'an ee caymiska, lacagta caymis-haystaha ku soo aado, lacagaha la jari karo iyo carbuunta caymiska. Medicaid sidoo kale waxay dabooshaa macaashyada aan lagu daboolin Qorshaha Dadka Qaba Baahiyaha Gaarka ee Laba Geesoodka ah, sida daryeelka muddada-dheer.

U-qalmitaanka labada caymis ee bardhimanka ah ayaa ka dhigan in qofku u-qalmo Barnaamijka Dhigaalinta Lacagaha Medicare (MSP). MSP-yada waxaa maamula barnaamijka Medicaid ee ka jira gobol kasta. Inkastoo MSP-yadu ay daboolaan kharashaadka Medicare qaarkood, sida carbuunta caymiska Medicare Part A iyo Part B, dadka u-qalma labada caymis ee bardhimanka ah ma helaan macaashka caafimaadka ee Medicaid ee buuxa.

Qofka xaq u yeesho u qalmitaanka caymiska laba geesoodka ee bardhimanka ah ayaa sidoo kale suurtagal ah inuu u qalmo Qorshayaasha Dadka Qaba Baahiyaha Gaarka ee Laba Geesoodka ah (D-SNP)* Inkastoo Medicare ay bixiso inta badan daryeelka iyo macaashyada la daboolo, dadka u-qalma labada caymis ee bardhimanka ah ayaa mas'uul ka noqon doona kharashaadka jeebka laga bixiyo.

Marka xubnaha Medicare helaan daryeel caafimaad, Medicare ma daboosho qaddarta buuxda ee adeegyada. Qaddarta soo harta, ee loo yaqaano qaybta kharashka ama kharashaadka jeebka laga bixiyo, waa mas'uuliyad saaran inuu xubinta Medicare bixiyo. Tani waxaa loo yaqaanaa carbuunta caymiska, lacagta go'an ee caymiska, lacagta caymis-haystaha ku soo aado ama lacagta la jari karo. MSP-yada marka laga hadlo, barnaamijka Medicaid ee gobolka wuxuu gacan ka geystaa bixinta qaar ka mid ah kharashaadkaan loogu talagalay dadka u-qalma labada caymis ee bardhimanka ah. Qaddarta caawimada (ama qaybsiga kharashka) Medicaid ee la bixiyo ayaa inta badan ku xiran 2 waxyaabahaan:

1. Inta uu le'eg tahay mushaarku qofku kasbado (dakhliga)
2. Inta ay leeyihiin (hantida) — sida guri

Qaybaha 4 u-qalmitaanka labada caymis ee bardhimanka ah:

1. Ka-faa'iideystayaasha U-qalma Medicare (QMB) 
   Barnaamijka QMB wuxuu gacan ka geystaa bixinta carbuunta caymiska ee Medicare Part A(caymiska isbitaalka) iyo Medicare Part B(caymiska caafimaadka). Xubnaha u-qalma QMB ayaa sidoo kale hela daboolista kharash qaybsiga, lacagaha la jari karo iyo lacagta ku soo aado caymis-haystaha.
2. Ka-faa'iidaystaha Caymiska Medicare ee Dadka Dakhligoodu Hooseeyo ee La Cayimay (SLMB)
   Barnaamijka SLMB wuxuu gacan ka geystaa bixinta carbuunta caymiska Medicare Part B (caymiska caafimaadka) oo keliya.
3. Shakhsiga U-qalma (QI)
   Barnaamijka QI wuxuu gacan ka geystaa in la bixiyo carbuunta caymiska Medicaid Part B (caymiska caafimaadka), balse xubnahaan shakhsiyaadka ah ayaa yeelan kara dakhli ka sarreeya kan SLMB.
4. Shakhsiyaadka U-qalma ee Naafada ah iyo Shaqsiyaadka Shaqeeya (QDWI)
   Barnaamijka QDWI wuxuu gacan ka geystaa bixinta carbuunta caymiska Medicare Part A (caymiska isbitaalka). Tani waxaa loogu talagalay dadka naafada ah balse dib ugu noqday shaqada. Sidaas awgeed, ayay ku lumiyaan caymiskooda Medicare Part A ee carbuunta ka maran.

Ma kula tahay in adiga, xubin qoyskaaga ka mid ah ama qof aad u tahay daryeele uu u-qalmo labada caymis ee buuxa ama bardhimanka ah? Waxaad isticmaali kartaa goobta raadinta ee hoose si aad u aragto qorshayaasha laga heli karo aaggaaga. Haddii aadan hubin, na soo wac oo la hadal mid ka mid ah wakiilladeena shatiyaysan. Waxay kuu sharrixi doonaan dhammaan xulashooyinka waxayna kaa caawin doonaan inaad hesho qorshaha caafimaadka ee laba geesoodka ah ee saxda ah.

Wac 1-844-812-5967, TTY: 711
8 sn. - 8 gn. wakhtiga maxalliga ah, 7 maalmo todobaadkii Se habla español.

*Caymiska loogu talagalay dadka xaqa inay u-qalmaan labada caymis ee bardhimanka ah ayaa kaliya laga heli karaa meelaha qaarkood.